卫诗雅（Michelle）近日除了密密为叫好叫座的电影《破．地狱》四出宣传、谢票，将于出年二月结婚的她同时亦忙于筹备婚礼，早前她已经试过婚纱、裙褂及婚宴菜式，日前便孖住关智斌（Kenny）试首饰。二人身为婚嫁系列的全新代言人，作为师兄的Kenny表示要送上小礼物，更豪言：「拣啦！」Michelle纯时心花怒放。
二人在店舖边选购首饰边倾偈，Kenny问Michelle她的準老公周医生有没有送过礼物给她时，Michelle表示没有，不过却有比送礼物更浪漫的事，「佢送俾我嘅礼物係好有心思，佢会自己作诗。我讲真㗎！佢作英文诗，我睇唔明，又要翻译又唔知佢写乜，哈哈。佢开始get到我唔识，就转咗写中文，但係写中文我都唔明，哈哈。」在旁Kenny大叫浪漫，又问：「你觉得佢对你做过最浪漫嘅嘢係乜嘢？」Michelle即一副冧样道：「佢完全唔识剪片，我觉得最劲係佢会特登剪片俾我，每日剪一条好短嘅，有啲英文、有啲中文咁样写落去。」随后画风一转，Michelle分享了一件趣事，「有一年生日，佢送咗一个好大嘅盒俾我，你以为係嗰啲唔知乜嘢包包啦，我开心揭开，係一架Lego车。我唔明点解送一架Lego车俾我，我个表情真係控制唔到，一揭开我本来係笑住，仲要係一架唔知乜嘢嘅跑车，如果係送我揸紧嗰个型号我都明，我笑住问：『点解？』佢话：『冇呀，我好锺意呢架Lego车，想你帮我砌，所以送俾你』。」二人即笑翻天。
随后，Kenny又问他们二人有否love language？Michelle指自己每次见到周医生时，都会主动「揽住佢」，「我係嗰啲好阳光，佢冇我咁正能量，所以我见到佢我就会揽住佢。我同佢讲有研究显示情侣揽八秒，身体就会分泌一样嘢令你开心，我就会咁样揽住佢，呢个係我嘅love language 。」Kenny解说love language的重要性，Michelle即笑说Kenny十足婚前谘询专家。二人由金器拣到珍珠，Michelle将拣出来的首饰全都戴上身，不捨得除下，Kenny说：「我已经好多钱，亦都想再搵多啲钱。」Michelle即打蛇随棍上，「咁我可以拣份大啲嘅结婚礼物。」Kenny即大笑：「拣啦！」
