中环嘅前任行政长官办公室(前特首办)，最多只可以畀3位前特首使用，随住林郑月娥卸任，政府唯有帮佢租用金钟太古广场办公室，去年度开支大约917万，引起社会质疑。新民党立法会议员陈家珮建议利用中环展城馆作为前特首办，可以善用政府物业，仲可以悭返租用商业大厦嘅租金。

陈家珮前排带1对仔女参观展城馆举办嘅《家国情微型艺术展》，佢大讚展览展示咗好多精緻嘅微型艺术品，每个作品都巧妙咁捕捉家国情怀，展现艺术家对文化同历史嘅深刻理解。

除咗行展览，陈家珮去到地理位置优越嘅展城馆，而有感而发。佢留意到展城馆进行紧优化，考虑到呢啲空间嘅潜力，佢建议政府考虑利用空间作为前特首办。陈家珮觉得前特首办喺展城馆落户，唔单止可以善用政府物业，仲可以同文化艺术紧密结合，提升办公室嘅使用价值，促进社会同文化嘅交流。

原文刊登于 AM730 https://www.am730.com.hk/本地/ray-online-陈家珮指中环展城馆位置优越-倡作林郑前特首办/494994?utm_source=yahoorss&utm_medium=referral