Win Win「一回应」疑与KC感情生变传KC学跳舞挞着日本妹成导火线

facai369 2024-10-10 新闻 245 次浏览 0个评论

KC与Win Win疑分手结束6年情「一回应」引发感情生变传闻

KC（黄家灏）8月底出席《HKT西九音乐节》记者招待会，当时直播画面影到企喺头排嘅Anson Lo（卢瀚霆）向KC及Tsoul（田曜诚）打招呼，KC疑似藐嘴，成为网上热话，KC亦疑因此被雪藏，前日（8日）ViuTV举办《ViuTV节目巡礼2025》，旗下艺人MIRROR、ERROR、COLLAR、P1X3L、ROVER都有出席，不过KC及Tsoul就缺席。Win Win（杨安妮）被问到男朋友缺席一事，竟回应指佢哋好耐无联络，随即引起分手传闻。

KC与Win Win拍拖6年，经常一齐拍跳舞片，KC曾表示与Win Win感情稳定，係互相学习和进步嘅关係；有先天血管病嘅Win Win曾于去年喺洗手间晕倒，指好彩KC听到自己叫救命，之后入院做手术，KC都陪伴在则，当时Win Win冧爆感谢KC嘅照顾，等佢可以做「少奶奶」安心养病，亦直言学识要珍惜生命同身边嘅人。于前日嘅活动上，对于KC缺席，Win Win尴尬地回应唔知情，更指好耐冇联络，佢就解释自己近期忙于拍摄综艺节目，经常唔喺香港。不过，Win Win个人IG已Unfollow KC，疑似感情生变；而有传媒指，KC于日本学跳舞与日本妹挞着，二人于近月已分手。