「人生七十古来稀」，当好多人揾方法早啲退休，年届七十、攞过米芝莲嘅鸿师傅就仍然追求进步，再度开餐厅！由北角起家，辗转重回港岛区开店，餐牌加入唔少新菜式，亦有食客专程嚟回味招牌滷水鹅，不过师傅想同大家讲：「我有做好多广东菜㗎，唔係潮州菜馆。」

鸿师傅第三度开店仍然精益求精，皆因佢明白要有新客先可以长久。精緻嘅潮式冻马友，就係因为佢觉得「人哋做到点解我哋做唔到」而研发出嚟。马友先用盐水、葱、酒等浸至入味，蒸鱼时留起鱼油备用，起骨冷冻后，切件时再喷上鱼油，唔只增添香气，入口更加滑嫩浓味𠻹。

阿鸿小吃地址: 铜锣湾谢斐道535号Tower 535地库B01号舖

文：Cathy相：Michael片：Tom