Ray Online｜议员参观机电署竟困��20分钟 署长笑言会请议员吃饭补偿

一班立法会议员噚日参观机电工程署总部，了解署方嘅创新同科技项目。点知一班议员喺总部困𨋢20分钟，睇嚟有啲讽刺呀。

立法会发展智慧城市事宜小组委员会几个议员有份参观，当机电署署长潘国英带队喺地下搭𨋢上楼参观嗰阵，一班人就遇到困𨋢意外。好彩𨋢入面嘅灯同风扇正常运作，期间一班人倾偈打发时间。等咗大约20分钟，技术人员到场协助，将升降机升上最顶层，一班人先可以解困。

有「幸运儿」避开意外

有「受害者」笑言意外係「打咗机电署一巴」 ，又话因为意外耽误咗食饭时间，署长喺困𨋢期间都话会请议员食饭补偿。有议员亦话机电署负责规管升降机同自动电梯安全，点知喺自己地方就发生升降机故障，仲要喺外人参观嗰阵发生意外，认真失威呀。有个议员成为「幸运儿」，佢就係民建联嘅梁熙，因为佢冇跟大队由立法会出车去机电署总部，而避过呢场意外。

署长之后向议员解释，应该係因为升降机门感应器，感应到门未完全闭合，而造成意外。而机电工程署回覆传媒查询话，总部其中一部升降机喺噚日朝早发生轻微故障，注册升降机承办商派员到场检查，确保安全同运作正常之后，已经重置升降机，全部乘客安全离开。

原文刊登于 AM730 https://www.am730.com.hk/本地/ray-online-议员参观机电署竟困-20分钟-署长笑言会请议员吃饭补偿/495331?utm_source=yahoorss&utm_medium=referral

其他人也在看