香港着名喜剧导演王晶日前于个人影片频道与女儿王子涵大谈50年电视电影生涯，回顾九十年代尾期嘅代表作品，其中提到《古惑仔》系列、《龙在江湖》以及《赌侠1999》，于过程中，王子涵直言《古惑仔》系列如同拍咗部Marvel出嚟：「你嗰啲《红灯区》根本就係支线故事，《山鸡的故事》都係支线故事」。王晶指《古惑仔》系列如同有少少Marvel电影宇宙嘅感觉，及后又自爆《赌侠1999》「化骨龙」一角原先唔係由张家辉饰演。

王晶表示《古惑仔》系列造就拍《百分百感觉》、《百分百啱feel》、《风云》及《中华英雄》等漫画片，王子涵提到王晶一直沿用郑伊健，王晶直言：「咁佢係最受欢迎嘅漫画人物，即係等于你喺Marvel大家都会用美国队长、钢铁侠」，更指郑伊健有段时间几乎超越刘德华。王晶续指，之后拍咗部反英雄片《龙在江湖》帮刘德华翻红，后来拍摄《赌侠1999》，意外又捧红咗「化骨龙」张家辉：「其实嗰个角色原本唔係张家辉做，开头想罗嘉良做，但由于我同期拍咗一部《黑马王子》，张家辉就做得好好笑」。于是就搵咗张家辉做「化骨龙」一角。

王晶又透露其实《赌侠1999》原先定位係一套悲剧，但因为张家辉而将其改成喜剧：「拍到一半，觉得张家辉好好笑，心谂咁好笑点做悲剧呢？」于是只好改剧本：「本来最后一场刘德华被车撞死，係真係要死嘅，但要将佢扭成一部喜剧，唯有拍成嗰架车由张家辉驾驶撞到刘德华，并拿出白花油帮佢涂，格硬将悲剧变咗一部喜剧」。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！