歌手菊梓乔和郑俊弘今日（6日）到将军澳出席慈善筹款活动。菊梓乔透露自己身体本身就不舒服，再加上刚刚坐了成个钟车来活动，笑言架车开到好似海盗船，所以差点晕低。她又指自己从来不玩机动游戏：「咖啡杯都唔得，比较冇用，去主题乐园都係夹公仔。」又笑言自己都一把年纪，不会再有人约她到游乐场玩，并称拍拖经验少，不是很知道拍拖约会应该要做甚么。提到可以跑步拍拖，她就表示：「跑步有益，不过我就未开始跑，因为要好认真，唔係落街行两个圈就得，都要有个原因先去跑。（热身未？）冇啊未跑步点解要热身啊，等我準备吓先啦。（要等啲咩？）等我有个原因先。（去大埔区跑？）点解要去咁远？（咁就你荃湾跑？）好多人都喺荃湾跑，我楼下劲多男仔除晒衫跑，想我点啫，我有时揸紧车㗎嘛，咁样好辛苦㗎。」谈到与吴保锜的进展，菊梓乔先是诈傻扮懵，迴避问题说：「我嘅病情冇乜进展，因为搵唔到中医。」然后就表示不想回应感情问题，又言最近与保锜都比较少联络，亦都少了玩社交平台，因为要闭关默默写歌：「我啲Fans係咁催我啦。」