股市如火箭般向上飙，国庆日有幸获贵人邀请，到中银大厦70楼睇烟花兼慈善晚宴。席上人人话题离不开股票，只係话：「都係等啲蟹货鬆绑咋。」

下载Yahoo财经APP

美股外币即时报价 多国新闻任睇

揸港股畀人笑到面黄

又係嘅，呢一、两年仲揸住港股畀人笑到面黄，入市去炒更唔想俾人知，好多人手头冇货。事实香港股民输到惊，蟹货多多，例如 200几蚊嘅阿里巴巴 （9988.HK）及六、七百蚊嘅腾讯（0700.HK）都大有人在。不过股市升番确实令市面气氛好好多，起码食肆嘅食客都好唱口，啲人都要出来饭局收风过料！

有个老友呢两年一直睇住美股已放弃港股，今铺即转咗口风谓：「 个市场变，我都要变㗎！」立即转身买平保（2318.HK）期权补仓，仲好理性咁话：「 我睇唔倒个市有down side噃。」话口未完到下午3点3，唔係去下午茶而係要睇住个市，谓欧洲股市开市要留意有否欧洲资本杀入港股。

2007年炒资源股，油价去到百四蚊一桶，巴菲特就高沽中石油。 (REUTERS / Reuters)

但人总是贪婪的，（我都係，冇扮清高。）只不过同啲banker、基金佬朋友，以至师奶阿叔倾偈，大家都好理性地亢奋，好想知道何时要散水离场！ 有个指标真係好值得参考，当银行客户定期嘅数字大跌，即是连定期嘅棺材本都要攞出来队入个股市，相信就差不多了。

阿爷今次财政加埋货币政策「尽地一煲」，都係想焗埋大家嘅栊底钱去炒起个市，再齐齐救经济啦。靓太 banker 一早whatspp 来，谓 2022 年 11月有过一波升到 44% 之后就再次寻底， 目前呢一波升幅有 27%（至週四收市），大家即管理性地亢奋一下吧 ，最紧要留意身边嘅屋企人，有冇攞埋啲定期存款去炒股啊！

热门新闻